Kompania Benaks 94 shpk operon në fushën e shfrytëzimit të mineraleve nëntokë dhe sipërfaqe. Aktiviteti i saj ka filluar në fillim të vitit 1994 me shfrytëzimin dhe përpunimin e mineralit të kuarcit.

Në vitin 2000 kompania filloi investimet për ngritjen e linjës teknologjike për seleksionimin, pasurimin dhe fraksionimin e kuarcit. Ndërsa në vitin 2001, ajo hyri në sektorin e kromit duke u pajisur me leje shfrytëzimi nëntokë dhe sipërfaqe, duke vijuar me investime të vazhdueshme në infrastrukturë, makineri dhe pajisje.

Në vitin 2005 kompania u pajis me një tjetër leje shfrytëzimi për gur gëlqeror, ku janë realizuar investime të konsiderueshme në ndërtimin e linjës për përpunimin dhe prodhimin e tij dhe nënprodukteve përkatëse.

Duke disponuar një staf të kualifikuar dhe me eksperiencë të gjatë në menaxhimin e sektorit minerar, kompania zgjeroi aktivitetin e saj kryesisht në kuarc dhe rëra kuarcore. Në vitin 2015 u pajis me leje minerare për rërë kuarci me rezerva rreth 1,000,000 ton, ndërsa në vitin 2017 shtoi një tjetër leje për shfrytëzimin e kuarcit me rezerva rreth 500,000 ton.

Në fillim të vitit 2019, kompania zgjeroi aktivitetin në prodhimin e betonit, duke investuar në makineri, pajisje dhe ndërtimin e fabrikës përkatëse.

Gjatë periudhës 2019 – 2025 janë kryer investime të vazhdueshme në infrastrukturë dhe teknologji, duke kontribuar në rritjen e standardeve dhe performancës së kompanisë.

Aktualisht, kompania ka rreth 70 punonjës dhe një staf drejtues prej 14 personash, të kualifikuar për drejtimin dhe organizimin e aktivitetit.

Të gjitha objektet ndodhen në Bashkinë Pogradec, Qarku Korçë.